SEED2012: Ncuva - Student Product Pitch

Swikoxo swa Matirhelo yo Hatlisa no Olova (Swa Lavo Titsandzeka)

Hi twile hi matirhelo lamantshwa mo tsala software hi ku hakela vatirhi vo ka va nga ri va hina no hlaya matsalwa ya ka Gartner. Mintirho leyi yi endle leswaku hi tekela enhlokweni: 

1. Vanhu na ku tirha swin'we ku tlula maendlelo na switirhisiwa nakona hi na maendlelo yo boha na switirhi ku fambisa tindlela leti vanhu (hi va vula 'vatirhi') lava va tirhisanaka. 
2. Software leyi tirhaka hi mfanelo ku tlula matsalwa yo vulavula hi software leyi ntsena loko software leyi hi hlamuseriwa hi vuenti.
3. Ku nghenelela ka vaxavi ku tlula ku burisana loku nga heriki hi matirhelo mayelana na ndlela yo burisana hi ta ntirho lowa ha taka, na ku tsala hansi ka xin'wana na xin'wana lexi cincaka.
4. Ku cinca loko swilo swi cinca ku tlula ku ombelela nongonoko ntsena loko ku ri na kungu leri nga na vuxokoxoko byo enta leswaku hi ta tiva ku amukela ku cinca hi ku landzelerisa kungu.

- Kerry Buckley (@kerryb)

- Muhundzuluxi wa Xitsonga: M.K. Baloyi

Source: http://www.halfarsedagilemanifesto.org/

Swikoxo swa Matirhelo yo Hatlisa no Olova

Hi le ku thumbeni ka tindlela to antswa to endla software hi ku yi endla no pfuna van'wana ku yi endla. Mintirho leyi yi endle leswaku hi tekela enhlokweni:

1. Vanhu na ku tirha swin'we ku tlula maendlelo na switirhisiwa
2. Software leyi tirhaka hi mfanelo ku tlula matsalwa yo vulavula hi software leyi
3. Ku nghenelela ka vaxavi ku tlula ku burisana loku nga heriki hi matirhelo
4. Ku cinca loko swilo swi cinca ku tlula ku ombelela nongonoko

Hambileswi hi tekelaka enhlokweni leswi nge xineneni, hi voyamela ngopfu eka leswi nge ximatsini.

Milawu ya Matirhelo yo Hatlisa no Olova

Hi landzelela milawu leyi:

1. Xikongomelo xa hina xo rhanga i ku tsakisa vaxavi hi ku humesa software ya risima hi nkarhi na hi ku phikelela.
2. Ku amukela ku cinca ka swilaveko, hambi se ku tsala software swi fika emakumu. Matirhelo yo hatlisa no olova (agile) ma oka ku cinca leswaku ku vuyerisa vaxavi.
3. Ku tshamela ro humesa software leyi tirhaka hi mfanelo, ku sukela eka vhiki ku fikela eka n'wheti, hi ri kari hi phewela eka minkarhi yo koma.
4. Van'wamabindzu ni vatsari va software va fanele ku tirhisana masiku hinkwawo ku kondza xintirhwana (project) xi hela.
5. Ku aka swintirhwana hi vanhu va ntlhontlho. Ku va nyika mbangu ni ku seketela loku lavekaka, hi va tshemba leswaku va ta wu endla ntirho.
6. Loko u lava ku hundzisa hungu, n'wu byele hi nomu leswaku swi ta hatlisa no tlhela u hlamuriwa hi xihatla.
7. Leswaku software ya tirha swi khoma "nambara" loko hi hlela ku humelela kumbe ku tsandzeka.
8. Matirhelo yo hatlisa no olova ya susumeta ku hluvuka loku nga ta hlayiseka. Vaphalari, vatsari va software, na vatirhisi va yona va fanele ku famba hi rivilo rin'we ku ya no ya.
9. Loko hi tekela enhlokweni ku tirha hi vuswikoti hi ta kota ku yisa emahlweni matirhelo ya xihatla no olova.
10. Ku olovisa swilo - vutshila byo endla leswi bohaka ntsena - swi na nkoka lowukulu.
11. Makhomanelo ya software, swilaveko na vumbelo ra yona, swi ta swi huma eka mintlawa yo tilulamisa hi yoxe.
12. Endzhaku ka xinkadyana, ntlawa wu hlela matirhelo leswaku wu ta antswisa, ivi wu tiololoxa nakambe.

- Kent Beck, Mike Beedle, Arie van Bennekum, Alistair Cockburn, Ward Cunningham, Martin Fowler, James Grenning, Jim Highsmith, Andrew Hunt, Ron Jeffries, Jon Kern, Brian Marick, Robert C. Martin, Steve Mellor, Ken Schwaber, Jeff Sutherland, Dave Thomas

- Muhundzuluxi i Musa Kurhula Baloyi, a lulamisiwa hi swirho swa First Online Tsonga Dictionary kumbe Madyondza. © 2013

Sources: 
- http://agilemanifesto.org/iso/ts/
- http://agilemanifesto.org/iso/ts/principles.html